*عاد هذولا ثلاث شباب قصمان راحوا لهكا المنطقه بيزورون رفيدزن لهم .. وسبحان الله تسلط واحد فيهم طلع يحب طعم العيون ..
ويوم وصلوا استقبلهم الرجال وذبح لهم هكا الذبيحه الي لاصارت ولا استوت ..
وبدوا ياكلون .. وضرب بهالذبيحه.. والله مسكوا خط تسنهم ماعمرهم شافوا لحم ..
<-- يقالك حاظرن السالفه ..
وفجأة تسلّط هالسولقي رفيدزهم وقام يلعب بـ "عين الذبيحه
" وهه يقلبها يمين يسار لين نقفها وبلعها ..
ويوم قضوا متعشين قال لهم " المعزب" : ترى باتسر الذبيحه علي ..
مير يستغربون القصمان قالوا هذا عشيتنا ولا ودنا نكلف عليك مرتن ثانيه .. قال ابد علي الطلاق باتسر تجون ..!
عاد جوا من باتسر وحطوا الذبيحه وسمّو بالله وتعشوا .. ورفيدزنا مازال مُصِر على عين الذبيحه ..
ياليييل
ويوم قضوا قال لهم ترى من باتسر الذبيحه علي وجـــا من باتسر وحطوا الذبيحه وسمّوا بالله ..
وبينما هم ماسكين خط مهب مصدقين ثلاث ذبايح لسواد عيونهم من يحصله بس ..
فجأه دخل عليهم المعزب ومعه " رشـــاش"
وحط راس الرشاش عند راس هكا الّي باطن تسبده (اللي ماغير ياكل العين
) وقال له : اسألك بالله وش فيها الذبيحه ..؟!
هِنا قمطوا كلهم وقالوا تعوذ من ابليس يارجال وفهمنا وش السالفه ..!؟
قال لهم هالرجال الي معكم من اليوم وهو ياكل عيون الذبايح وهالشي معناته أن الذبيحه ماجازت لكم ..! عاد هنا ضحكوا كلهم وقالوا لايابن الحلال حنا بالقصيم عندنا الي ياكل عين الذبيحه معناته ان الذبيحه اطلق شي ..<-- عاش مصرّف ..
واشوى تفهّم الرجال الوضع ودرى انهم مايعرفون وش العادات والتقاليد وهالمطرسه الي مالها معنى ..
منــقول
لا اله الا الله 
